nabo

Astero

Dantza Maisuen Ikastaroa
Workshop for Basque Dance Instructors

NABO with the support of the Basque Government hosted two workshops specifically for dance group instructors and advanced dancers.  Instructors were from Ikerfolk of Donostia.  This aims to be an ongoing endeavor with the aims of reinvigorating our groups and dancing.

InakiThis collaboration is with "Ikerfolk." The title in Basque expresses its purpose:  the investigation and research of Basque folk traditions.  The director is Juan Antonio Urbeltz, one of leading experts on Basque folk traditions generally and Basque dance specifically.  He was here recently when he presented several lectures.Some recent productions include the new dance performance "Axeri-Boda" and the social dance program of "Dantza Ganbara."

Projected long-term dance infusion project for networking and motivating

EUSKAL DIASPORA ETA DANTZA: LOTURA ETA MOTIBAZIOA

Donostian, 2007.go uztailaren 6ean NABO eta IKERFOLKeko zenbait partaideen artean egindako bileran hitzegindakoa.

Bertan, Ameriketako Estatu Batuetan, euskal diasporak dantzari eta inguruan sortzen diren gaiei buruz lotutako zenbait arazo nabarmendu ziran:

  1. Aspaldi honetan dantza maila (exekuzio eta ezaguerari dagokionez) ez da ona: ez da ondo dantzatzen.
  2. Egiten diren dantzen esanahi eta histori etnografiko minimo bat ez da ezagutzen. Taldeek ez dakite ezer dantzatzen dutenaren esanahiaz eta bere testuinguru historiko, sozial, erritual eta abarrez.  Ezinezkoa zaie, beraz,  beraien saioetan, egiten dutenaren esanahi eta transzendentziari buruz aurkezpen minimo bat egitea, guzti honek duen garrantziarekin euskal komunitatearen aurrean.
  3. Egoera horretan dantza ez dago behar adineko duintasunari lotua eta nekez identifikatzen da euskal  identitatearen osagai baliagarri bezala. Jendea ez da arro sentitzen dantzaria izateagatik.

Hiru arazo horiek identifikatuta, gauza da zer egin dezakegun guk egoera horri buelta emateko. Ondoren, gu denok egin genituen hausnarketak horretan saiatu ziren, ondorengo esparru hau kontutan hartuta:

    • Komunitateari begira: Ipar Ameriketako euskal komunitatea hartu genuen kontutan (Lisa, John eta Enrikerena zelako). Zer egin besteekin?. Testuingurua ezberdina dela kontutan hartuta, gero ikusi behar: egoera bakoitzak bere erantzuna eskatzen du.
    • Epe motzera begira: bi urtera gehienez. Planteatzen den esperientziak erakutsiko digu epe luzekoa nola bideratu.
    • Ondoren proposatzen diren ideiak oso maila orokorrean ipini behar dira. Helburu bat dute nagusiki: talde eragileari motibazio eta ilusioa sortzea. Ideiak badaude, esperientzia ere bai eta egin liteke.

PROPOSAMENAren ildo nagusiak, honako hauek lirateke:

  1. Helburu konkretu bat: Euskal diasporaren 2.009ko kongresu nagusiari begira dantza ikusikzun handi bat egitea. Ikuskizun hori, Argiak egindako Zortziko eta Alakiketan ikusgarrien ildotik joan daiteke. Horretarako zenbait faktore kontutan hartu behar dira:

·         Ikuskizuna medio bat da Euskal Herriko eta Ameriketako dantzarien artean harremanak bideratzeko eta modu horretan bigarrenek ikasteko bide bat izan dezaten.

·         Ikuskizunaren ikuspegi integrala, dantza guztiek lotuko dituena emaitza bakar batean. Derrigorrezkoa da zuzendaritza artistiko eta sortzaile bakar bat. Prestatu behar dena ez du zer ikusirik Dantzari Egunek ematen dituzten alardeekin.

·         Partaidetzan oinarrituko da: Euskal Herritik eta Ipar Ameriketatik bildutako dantzarien bidez.

·         Errepikatzea ahalbidetu behar da: geroa, beste leku batzuetan egin ahal izateko esperientzia horrek dituen abantaila guztiekin.

·         Faktore motibatzaile garrantzitsu bat izan liteke: 3. arazoari modu konkretuan erantzuten hasteko.

  1. Plangintza bat: zehaztu beharko dena ikuskizun hori martxan jartzeko. Hau da benetan interesgarria, ahalbidetuko dituen ekintzan direla medio. Adibide batzuk:

o   Tailer edo “Workshop” praktikoak:

§  Dantza preklasikoak eta Dantza Maisuak: Gipuzkoa eta Zuberoako tradizioen inguruan Jira Galdua aldizkarian azaldutako ereduak jarraituaz.

§  Dantza sozialak: ingurutxo, jauziak, kontradantzak, mutil dantzak, eta abar.

§  Haur dantzak: joko dantzatuak eduki interesgarri bezala ikastoletan zabaltzeko.

§  Protokoloen eta erritoen gizarteratzea: soka dantza, ezpata dantza eta antzeko protokoloak nola birgizarteratu gaur egun.

§  Arrabita: biolin tradizionalaren klabeak euskal tradizioan zeintzuk diren ikusi eta lantzeko aukera.

§  Janzkera zibila: Atondu egitasmoaren inguruan, jantzi tradizionalaren erabilpen zibila nola antolatu. Anek argitaratu berria duen liburuan oinarritua.

§  Koreografi berri bat nola prestatu: bertako talde bati egokitua.

o   Hitzaldiak eta mahai inguruak:

§  Koreografiak eta kreazioak dantza tradizionalean.

§  Argiaren azken espektakuloen aurkezpena: Pas de Basque, Axeri Boda

§  Argia, memoriaren harian: ikerketatik sorkuntzara, 40 urteko historia.

§  Atondu: janzkera zibilaren garapena eta dantzarako jantzien planteamendua.

o   Dantza ganbara: lagunarteko dantza saioa, dantzatzea atsegin zaigulako.

 Modu honetan ekintza hezitzaile hauek ez dira hutsean eraikitzen, helburu zehatz bat dute (ikuskizuna) eta modu horretan erakargarriagoak izango dira.

Bistan denez, hau litzateke modu bat 1. eta 2. arazoei eta baita 3. arazoari ere erantzun bat emateko modua. 

  1. Festak eta erritoak: aurreko bien parean ipinita fronte berri bat irekiko ligukeena. Herri eta testuinguru zehatz bat hartuta, nola erritualizatu festa edo ospakizun bat: aginte publikoaren parte hartzea (sokadantza), eguberri eta inauterietako kortejoak, euskal jaiak (jantzi zibilaren inguruan), dantza sozialak (dantza ganbara) eta abar. Horretarako beharrezkoa litzateke herri edo komunitate bateren bat prest egotea.

Planteamendu honek beste balio baten aurrean jartzen gaitu: dantzaren (eta bide batez musika eta jantzien) gizarteratze edo sozializazioaren aurrean. Dokumentu honen hasieran aipatu diren arazoetatik haratago, proposamen honek beste bide interesgarri bat irekitzen du.

 

 

Ateak Ireki

 

Foku Musikala

 

Calendar